Lasala Commitments

Planetarako AKTIBO bat izan nahi dugu

Berdinik gabeko egonaldiak eta esperientziak eskaini ahal izateko grinaz lan egiten dugun bezala, saiatzen gara Lasala Plaza hotela planetarako aktibo izan dadin, gure inguruko gizartearen, kulturaren eta ingurumenaren egoera onari laguntzeko oinarri bat.

Hasiera-hasieratik, gure hotelaren eredua definitu genuenean, erabaki genuen gure energia geotermiko eta fotovoltaiko propioa sortzea eta energia berriztagarriak soilik kontsumitzea. Askotariko ataletako kudeaketa-politikak zehaztu ahala, zenbait jardunbideren alde egin genuen, hala nola paperen ordez QR kodeak erabiltzea, gure hondakinen zirkulartasuna bermatzea eta gure hornidura-politikan Km0 kontzeptua txertatzea.

Atal honetan azalduko dizugu nola egiten diogun aurre planeta zaintzeko erronka kolektiboari, gure jardunaren ildoetan xede hori aplikatuz.

ZERO HONDAKIN

· Eredu bat daukagu zehazki zenbat hondakin sortzen ditugun jakiteko, eta kuantifikazio horretan oinarrituta erabakitzen dugu hondakinak arloz arlo murrizteko zer egin dezakegun.

· Ale indibidualen ordez, dosifikagailuak dauzkagu ipinita logeletan.

· Nespresso-ren kafe kapsulak biltzeko programan parte hartzen dugu.

· Agua KM0: beirazko botilatan, tokiko ur mikrofiltratua daukate gure bezeroek, plastikozko botilak garraiatu beharrik ez izateko.

· ItsaSOS proiektuarekin bat eginik, plaka bat daukagu jarrita gure kanpo-estolderian, itsasoan amaitzen duten hiri-hondakinen gainean kontzientziatzeko.

· % 50ean material berrerabiliz egindako mahai-zapiak erabiltzen ditugu La Jarana tabernan. Plastikozko zortzi botilaz eginda dago mahai-zapi bakoitza.

· Paperaren aurrean, digitalizazioa bultzatzen dugu: check-in prozesua digitalizatuta eskaitzen dugu, QRak dauzkagu eremu komunetan eta logeletan, eta administrazioa eta fakturazioa % 100ean dauzkagu digitalizatuta.

· Donostiako Udalak hondakinak hobeto kudeatzeko xedez bultzatzen duen Zero Plastik Hotel egitasmoan parte hartzen dugu.

ENERGIAREN KONTSUMOA

· Ia % 50ean sortzen dugu gure energia geotermiko eta fotovoltaikoa.

· % 100ean berriztagarria den energia erabiltzen dugu.

· Eremu komunetan, 22 ºC-tara (2ºC gora edo behera) mugatzen dugu aire girotuaren tenperatura.

· Argi-kutsadura saihesten duten eta energiaren kontsumoa murrizten duten luminariak erabiltzen ditugu gure eraikinaren kanpoaldean.

· Eremu komun eta logela guztietan argiaren intentsitatea doitzeko gailuak dauzkagu jarrita.

GURE KOMUNITATEA

· Lasala Plazan 0 km-ko produktuen kontsumoa lehenesten dugu. Gertuko ekoizleak eta artisauen berezko ekoizpen-ereduak babesteko egiten dugun ahaleginaren emaitza da gure eskaintza gastronomikoa.

· Helburu horretan gurekin bat egiten duten saltoki eta establezimenduak gomendatzen ditugu.

· Sobera gelditutako elikagaiak lantaldeak baliatzen ditu, janaririk ez dezagun alferrik bota.

· Turismo arduratsua sustatzen dugu, hotelaren sarreran alokagai dauzkagun bizikleten bidez.